Germany Player of the Year-ah De Bruyne

Wolfsburg midfielder Kevin De Bruyne chu Germany Player of the Year-ah thlan a ni.

Belgium international hi German mi ni lo zinga Germany Footballer of the Year ni thei panga­na chiah a ni a, he chawimawina dawng tur hian Bayern Munich player ṭha pahnih Manuel Neuer leh Arjen Robben te chu a khum.

De Bruyne hi season hman zawh takah khan a che ṭha hle a, Bundesliga-ah Wolfsburg tan goal 10 khungin a ṭhiante thun tur vawi 20 a siamsak bawk.

Kum 24-a upa attac­king midfielder chuan, "Ram dang daiha best player-a thlan ka ni hi ka lawm hle. Ka tan chuan he award hi chawimawina ropui tak a ni a, season hman zawh taka khel ṭha em em mai ka teammate te puihna vang liau liaua dawng thei ka ni tih pawh ka in hria," tiin a khelhpui a ṭhiante a chawimawi thiam hle.

Season hman zawh taka German Cup-a Wolfsburg champion puitu De Bruyne hi Premier League club Manchester City nen sawizawm mek an ni.

Hetihlai hian Wolfs­burg coach Dieter Hecking chu 'Coach of the Year'-ah thlan a ni bawk a, tun thla tira inkhelh chawlhsan tu Ceila Sasic chu Women's player of the Year-ah thlan a ni bawk.