Hummels-a'n Dortmund-a a cham chhan a sawifiah

Borussia Dortmund defender Mats Hummels chuan sawm tu tam tak nei chunga Signal Iduna Park a chhuahsan loh chhan chu an manager thar Thomas Tuchel vang a nih thu a sawi.

Season hman zawh takah khan Dortmund hi an che chhe hle a, sea­son chanve an khelh lai phei chuan division hniam lama tla thla thei din­hmunah an ding hman.

German defender Hum­mels chuan, "Kum 2014 - 15 season chaw­hma lam kha chu mang­chhia a ni ringawt a, kei ngei pawhin beisei ka phak lo hle. Tuchel nen hian titi dunna kan nei a, ka tihdiklohte min hrilh hre nghalin a thusawi te khan min hneh hle a ni. Rei tak kan titi hnuah player ṭha tak ni turin min puih leh theih ka beisei a, he hmunah hian ka cham phah a ni," a ti.

Kum 26-a upa defen­der chuan, "Germany-ah chuan team tin hian Bayern Munich hi an huphurh em em vek a, chak loh inring rilru pu nghal sain an khel ṭhin. Tuchel-a'n Mainz a enkawl lai erawh kha chuan Mainz khan hlau miahloin an beilet ṭhin a ni," tiin Tuchel chu a ringtawk hle.

Bayern Munich hian season thum chhung chu a zawnin Bundesliga title a chawi tawh a ni.