Bagan-in kum 125 tlin an lawm

I league champion Mohun Bagan chuan Pathianni khan Kolkata khaw­puiah an club kum 125 tlin lawmna leh I League champion an nih lawmna pualin kawng an zawh a, fans 50,000 chuang an pungkhawm.

Green and Maroon brigade tia hminglem an phuahsak Mohun Bagan kum 125 tlin lawmnaah hian club legend P. K. Banerjee, Manas Bhattacharya, Bidesh Bose, Compton Dutta, Shibaji Banerjee leh Satyajit Chatterjee te an tel a, I League a champion puitu coach Sanjoy Sen leh player ṭhenkhat Shilton Paul, Katsumi Yusa leh Pritam Kotal te an tel bawk a ni.