Kan khingpuite'n title lei an tum - Mourinho

Chelsea manager Jose Mourinho chuan Premier League-a an khingpui club te chu kapin Premier Lea­gue title lei tumah a puh.

Premier League cham­pion Chelsea hi tun nipui transfer-ah an la che na lo hle a, Stoke City aṭangin goalkeeper Asmir Begovic leh Monaco aṭangin loan-in Radamel Falcao te chiah an la la lut a ni.

Hetihlai hian Chelsea khingpui club lian ho erawh an bazar nasa hle. Man­chester City chuan manto takin Raheem Ster­ling leh Fabian Delph te an la lut tawh a, Mancehster United leh Liverpool an bazar ngawrh hle bawk.

Portuguese manager chuan, "Keini hi chuan player thar kan la lut miah lo ang zawk a ni. Kan lakluh awmchhun Falcao leh Begovic te hi chu kan player kalchhuak Didier Drogba leh Petr Cech te thlak nana ti kan ni a, kan squad hi a la ngai reng a ni," tiin player an hralh chauhin a thlakna tur an lei tur thu a sawi.

Mourinho chuan sawi chhunzawmin, "Kan el­pui te hian Europe-a pla­yer ṭha ber ber an lei a, an squad pawh a chak phah sawtin ka ring a ni. Roman Abramovich-a'n Chelsea a lei tirh khan Premier League title hi a leiin a lei chhuak niin an sawi a, tunah chuan min sawiseltute ngei pawh khan sum hmanga league title hi lei an tum ve tawh a ni. Tunah chuan ṭha taka inbuatsaiha sum seng ṭeuh lo chung pawha champion nawn tum hi kan kutah a innghat tawh a ni," tiin champion nawn an tum hle.