PSG leh Di Maria a chiang hnai

Manchester United coach Louis van Gaal-a'n US tour-a Angel Di Maria tel loh chhan a hriat loh thu a sawi hnuin Paris Saint-Germain-in thawm an neih chhunzawm zel.

PSG boss Laurent Blanc chuan, "Tun hnaiah thuthang a tam em em a, tlarhmaa khel thei tur player lakluh ngei chu kan tum dawna, Di Maria kher lo pawh lakluh kan tum," tiin player thar an melh thu a sawi.

French pachal Blanc chuan chhui­zawn theih tura sawi chhun­zawmin, "Tuna kan beisei lawk dan chuan Blanc hi United States-ah a lo kal ngei dawn a, eng jersey nge a hak ang tih chu sawi theih a ni lo. Di Maria hi a chhuak a nih chuan PSG-ah a lo kal ngei kan beisei. Tunah hian club pahnihin inbiakna an nei mek a, lo nghah tawp hi kan tih theih chu a ni," tiin Argentine midfielder hian French club hi a pan hmel ta hle.

Hetihlai hian PSG striker chanchin ngah ve tak Zlatan Ibrahimovic pawh a lo ṭawngchhuak ve a, Swedish striker ropui chuan, "Kan club-a Di Maria a lo khel thei tur hi ka lawm hle a, player ṭha tak a nih avangin team-in kan ṭhatpui thei dawn a ni," a ti.

Barcelona striker hlui chuan Paris khawpui chhuahsan tumna a neih loh thu sawi zuiin PSG-ah a hlim thu a sawi.