Stoke City-ah Afellay a kal dawn

Netherlands winger Ibrahim Afellay chuan Stoke City player thar pariatna ni turin Britannia Stadium a pan dawn.

Kum 29-a upa Barcelo­na winger hlui hian nimin khan Stoke-ah hian medical a nei a, thla hmasa lawk khan Nou Camp-a a contract neihlai chu hmang zoin Stoke-ah hian free transfer in a lut thei dawn a ni.

Dutch club ṭha PSV cap­tain hial pawh lo ni tawh Afellay hian Barca-ah beisei a phak lo hle a, season thum Catalan club tan a khelh chhungin vawi kua chiah inkhel bul a ṭan thei. Season hmasa kha loan-in Greek club Olympiakos-ah a hun a hmang a, 2013-14 season kha FC Schalke-ah loan-in a hun a hmang bawk.

A vanglaia Barcelona tana lo khel tawh Stoke City coach Mark Hughes-a'n Barca player a la lut nual tawh a, Afellay bakah hian Moha El Ouriachi, Bojan Krkic leh Marc Muniesa te chu Barca player hlui Stoke City a awm mek te an ni.

Stoke City hian tun nipui transfer-ah Moha El Ouriachi (Barcelona), Joselu (Hannover 96), Shay Given (Aston Villa), Philipp Wollscheid (Bayer Leverkusen), Jakob Hau­gaard (FC Midtjylland), Marco van Ginkel (Chelsea - loan) leh Glen Johnson (Liverpool) te an la tawh.