World Cup 2018 Qualifying draw neih a ni

Inrinni khan Russia khawpui pakhat St Pe­ters­burg-ah World Cup qualifying atan draw neih a ni a, he hunah hian FIFA hnuaia khaw­mualpui Africa, Oceania, South America, Concacaf (North, Central America and the Caribbean) leh Europe a ram hrang hrangte chu Quali­fying group hrang hrangah ṭhen an ni.

Asia khawmualpuia ram hrang hrangte chuan World Cup qualifier hi an khelh ṭan daih tawh avangin draw neih ve a ni lo.

Europe bihchianna

UEFA hnuaia ram te hi group kuaah ṭhen an ni a, group tina a sang berte hi World Cup khel turin an tling anga, group tina pahnihna zinga a ti ṭha zual pariatte chu playoff khel turin an inhlangkai thei bawk ang. Russia chu a thlengtu an nih dawn avangin qualifier hi an khelh ve a ngai dawn lo a ni.