Ram tan Federer leh Wawrinka
Roger Federer leh Stan Wawrinka te chu an ram Switzerland aiawhin an inlan leh dawn.
September 18-20 chhung khian Swiss hian Davis Cup playoff-ah Netherlands an hmachhawn ang. Heta chak zawk hian nakkuma ram 16-in an khelh tur Davis Cup world group an khel ang.
Switzerland hian nikum khan a vawi khat nan Davis Cup an chawi a, mahse kuminah erawh beisei an pha lo. Federer leh Wawrinka te tel loa khelin first round-ah Belgium hneh loin an tla a ni.
World number 4 kum 30-a upa Wawrinka hi kumin French Open-ah a vawi khat nan a champion a; World number 2 kum 33-a upa Federer erawh chuan Wimbledon final-ah Novak Djokovic a hneh lo thung.