West Brom-in Diaby an bia

Premier League club West Brom chuan Arsenal midfielder hlui Abou Diaby chu inbiakna an neihpui mek.

Kum 29-a upa mid­fielder hi hliamin a tihbuai reng avangin Arsenal-ah a tlatlum lo sawt hle a, tun nipui transfer rual khan Arsenal chuan an chhuah zalen.

France tan pawha lo khel tawh ṭhin midfielder hian kum 2006-a Auxerre aṭanga Arsenal a zawm hnuin London club tan hian vawi 182 inlanah goal 19 a khung. Emirates stadium-a a season hnuhnung pahnihah erawh hliamin a tibuai a, vawi hnih chiah a inlan thei a ni.

West Brom boss Tony Pulis chuan, "Diaby hian kan hnenah medical a nei tawh a, eng nge thleng zel chu kan la hria ang chu. Diaby hi ṭha taka inkhel thei tura kan puih theih kan inring tlat a ni," a ti.

Baggies hian tun nipui transfer-ah Wigan aṭangin pound maktaduai 1.5 man James McClean chiah an la la a ni.