Benitez-a'n Benzema chelh theih a in beisei

Real Madrid coach Rafael Benitez chuan Arsenal nena sawizawm hlawh mek an striker Karim Benzema chu chhuak lo tura a hmin theih tur thu a sawi.

Liverpool boss hlui Benitez chuan, "Kan player ni lo chungchang hi chu ka sawi ngai lo. Benzema erawh kan player a ni a, a ni zel bawk ang. Kan hnenah hian a cham dawn tih ka chiang a ni," a ti.

Benitez chuan Ronal­do chungchang sawilang nghalin, "Tun hnaiah Ronaldo hi training ka pek dan chungchanga lungawi lo leh chhuah tum angin an sawi. Mahse, Manchester City kan hneh ṭuma a inkhel kha in en chuan he hmunah hian a hlim hle a ni tih in hmu thei ang," tiin an star player chuan lungawilohna a neih loh thu a sawi.