Hodgson-a'n England enkawl zel a duh

England manager Roy Hodgson chuan 2018 World Cup thlenga England kaihhruai a duh thu a sawi.

Kum 67-a upa English manager contract neihlai hi 2016 European Championship khelh zawh a nih rualin a tawp ve nghal dawn a ni.

Inter Milan leh Liverpool boss hlui chuan, "Kan ram mipuite'n he hna hi chelh chhunzawm tura min duh a nih phawt chuan chelh chhunzawm zel turin ka inpeih reng a ni," a ti.

England hi Euro 2016 Group E-ah hmahruaitu an ni mek a, vawi ruk inkhelh tawhah hnehna la chang fai vekin anmahni hnaih bertu Switzerland aiin point ruk laiin an sang zawk a ni.

Kum 2012-a Italian coach Fabio Capello thlaktu Hodgson a hnuaiah England hian Euro hnuhnung berah khan quarter-final an in pet tling a, 2014 World Cup-ah khan chak nei miahloin an tla bawk.