European champion ngamtu United

2015 International Cham­pions Cup-ah Manchester United-in Club America leh San Jose Earthquakes an hneh hnuin Inrinni zan khan season liamtaa treble champion Barcelona chu Levi's Stadium, California-ah 3-1 in an hneh.

European champion Barcelona-in Copa America-a inlan Lionel Messi leh Neymar te an chhawr thei lo a, South American trio zinga khel awmchhun Luis Suarez-a'n crossbar leh goal ban a pet per a, offside vangin a goal khung pawm a ni lo.

Friendly match chauh a ni nachungin United inkhelah hmasawnna a awm tih a lang chiang a, first half-ah Wayne Rooney-a'n corner aṭangin a tauh goal a, second half-ah rawlthar duhawm Jesse Lingard leh Adnan Januzaj te'n goal an khung. Injury time-a Belgian rawlthar-in United goal thumna a khung hma hian Barca midfielder Rafinha chuan Catalan club tan goal khat a khung ve bawk.

Manchester United hian friendly match hnuhnung berah Paris St Germain an hmachhawn ang a, Barcelona-in Chelsea leh Fiorentina khelh tur an la nei thung.

Tute nge khel?

Manchester United

First half: De Gea, Darmian, Jones, Blind, Shaw, Carrick, Schneiderlin, Mata, Memphis, Young, Rooney

Second half - (Minute 62-ah team pumpui an thlak): Johnstone, Valencia, Smalling, McNair, Blackett, Lingard, Fellaini, Herrera, Wilson, Pereira, Januzaj

Barcelona

First half: Ter Stegen, Adriano, Pique, Vermaelen, Alba, Busquets, Sergi, Rafinha, Iniesta, Suarez, Pedro

Second half: Macip, Rakitic, Bartra, Mathieu, Alba, Gumbau, Sergi, Rafinha, Sandro, Munir, Halilovic