Chhunga'n goal a khung

Ningani zan ISL inkhelah Ramhlunchhunga'n goal a khung a, mahse, a team Hyderabad FC a chakpui zo lo - an mikhual Punjab FC chu 3-1 in an ngam lo.

Punjab hian Alex Saji (own goal), Luka Majcen leh Shami Singamayum hmangin goal an khung a, 3-0 a ni. Hun pek belhah Chhunga a inlar a, a team mualpho lutuk tur hliahkhuh nan goal a khung - comeback tur erawhin hun a awm tawh lo.

Kolasib tlangval Chhunga hian tun season ISL-ah match 23 khel tawhin, goal hnih a khungna chiah a ni a, assist vawi thum a nei bawk. Chhunga bakah hian Isaac Vanmalsawma chuan Hyderabad tan inkhel bul a ṭan bawk.

ISL an inchingfel ṭan a, nizan khan Kerala Blasters leh Mumbai City inkhelin, Mumbai club hian point an hlawh chhuak a nih chuan playoff an khel ang a, playoff khel tur an chingfel tihna a ni ang - result kan hre hman lo.