MSLX tip-off nei

Mizoram basketball-a inelna ngaihhlut hlawh ber, Mizoram Super League X chu Ningani zan khan tip-off neih a ni a, season hmasa pawha sponsor tawhtu Sharda University chuan tun season MSL hi an sponsor leh ang.

MBBA president hlui leh patron Chalrosanga chuan MSLX tip off-na hi a nei a, Dawrpui Multipurpose Hall-ah MSL inlan tur club pariat captain-ten 'oath taking' an nei a, club model-ten club jersey hak tur an pholang bawk.

Kum 2015 aṭanga neih ṭan MSL-ah hian champion lai leh vawi nga ngawt champion tawh Zarkawt BCA, vawi thum champion tawh Khatla TBL, Chanmari BC, Bungkawn LB Associates, Champhai BC, Electric Veng BC, Saron Veng BC leh Zemabawk BC te an inlan ang.

Tun season MSL hi March 11-ah ṭanin, April 25 thleng khelh tur a ni dawn a, round khat chu Champhai khawpuiin a thleng ang a, Zonet-in live-a en turin an pe chhuak ṭhin ang.