Vanneih ngaih chang a awm - Slot

Liverpool boss Arne Slot chuan nomawi chawi tura vanneihna ken tel a ngaih thu a sawi a, vannei turin thawhrim a ngaih thu a sawi bawk - Reds hian Paris St-Germain chu Nilaini zan khan Champions League last 16 first leg-ah 1-0 in an hneh.

Reds hian vawi 27 zet shot hmachhawnin, vawi hnih chiah shot an nei ve a, an chak daih! Slot chuan, "Premier League, League Cup, Champions League leh FA Cup chenin, champion kan duh chuan, vanneih a ngaih chang a awm ve ṭhin.

"Kan ṭhat dan bera kan khelh chhuah loh ṭum pawha chak a ngai ṭhin a, vanneihna a ngai. Kan thawhrim ang hian thawk ula, vanneihna in tiphal kher lo thei bawk," a ti a, an thawhrim vanga tun dinhmun thleng an nih thu a sawi.

Slot chuan, "Eng team mahin match 38 khel ṭha vek chungin nomawi an chawi ngai lo. Real Madrid hi entirna ṭha tak an ni - an khelh ṭhat loh zawk pawha chak chang an ngah mai! Tunah chuan Southampton chiah kan thlir tawh a, tun kar lo awm tura final kan khelh tur pathum zinga hmasa ber a ni," a ti - an match hmabak chu final zel a nih tawh thu a sawi.

Reds hian zanin dar 8:30-ah league match khel turin Southampton an mikhual ang - EPL-ah point 13-in hma an hruai fal mek.