TNT an chak nuamsa

Mizoram Volleyball Association buatsaih HPC MVA Cup 2025 chu Ningani zan khan khelh ṭan a ni a, team ṭha Thutak Nunpuitu Team (TNT) chuan an khingpui Tuichangral chu 27-9, 25-23, 25-20 (3-0) in an hneh.

Inelna hi YMA Chanmari Hall, Lungleiah neih niin, zanin hian chhunzawm a ni dawn; Sihphir leh Khawbel te an inhmachhawn ang. Chhinga Veng Spikers erawh an inlan lo a, an khingpui tur Tuichangral chu inkhelh hah ngai loin 3-0 in an chak ang.

Tournament ṭan zanah pawh Spikers hian match khel tur an ni a, mahse an inlan loh avangin an tum pui tur Khawbel chu 3-0 a chak a puan an ni bawk, an inkhel kual vek hnuah a sang pali ten semifinal an khel dawn a ni.

Spikers an tel tak lohah chuan Mizorama pro volleyball club pali - Khawbel, Sihphir, TNT leh Tuichangral te chauh an inel tihna a ni a, semifinal-a an inrem dan tur zawnna tih pawhin a sawi theih ang.