MFA Cup 2025: MLS an ṭha, Khawzawl an chak

MFA Cup 2025-ah MPL khel tur MLS FC-in team ṭha an ni tih an lantir a, nimin khan Saitual Venglai 4 -1 in an hneh. Lawngtlai club hian match hnih khelhah vawi hnih chakin group B-ah hmahruaitu an ni. Nimin khan PC Lalchhanchhuaha (Lalnaua) enkawl Khawzawl club Vengthar GSA pawh a vawi khat nan an inlan a, Laltleipuia goal hmangin Model FC 2-0 in an hneh.

Vawiin hian group A team-te an inlan dawn. Chawhma dar 10:00-ah point li hmu tawh pahnih Electric Veng (Kolasib) leh Thenzawl club Thangzuala Mem FC (Serchhip) te an inkhel dawn.

Lunglei club Chanmari FC-in point la hmu lo Mamit club FC Bazar lakah insiamṭhat an tum ang. Match tawp berah Siaha United leh inelna thlengtu Champhai club Kanan SC te an inkhel dawn. Siaha hian chak la nei lo mah se, chak loh an la nei lo - an tawh a khirh viau ang.