City player of the month Khusanov

Uzbekistan aṭanga Premier League khel hmasa ber Abdukodir Khusanov chu February thlaa Manchester City player of the month a ni. Kum 21 mi Khusanov tan hlawhtlinna ropui tak ni mah se Man City tan erawh season ṭha a ni lo.

Pep Guardiola hote hian FA Cup-ah chiah nomawi an beisei tawh a, chutihrualin season thara Champions League khel turin Premier League lamah an la ṭang khawng a ṭul. City hian zanin dar 6:00 hian Nottingham Forest an lenchilh dawn a, Pep-a hote hian hnehna an chang a nih chuan pathumnaah an invawrh chho thei ang.

Nottingham hi tun season-ah besiei phak bakin an che ṭha a, table-ah pathumnaah an awm mek. Nuno Espirito Santo hote hian season tharah Champions League khelh ngei an tum a, league match hnuhnung berah pawh champion tum Arsenal an chelh thei. City tan pawh Forest hi hneh a awlsam dawn lo.