Lakers tan James leh Doncic

Nimin zing NBA regular season inkhelah Los Angeles Lakers chuan an khingpui New York Knicks chu 113-109 in an hneh a, playoff khel ngei turin an dinhmun an sawhnghet zel.

Crypto.com Arena-a inkhelah Lakers tan Luka Doncic chuan point 32 a nei a, assist ṭum 12 nei bawkin double-double a nei, an thiampuipa LeBron James pawhin point 31 a nei.

LeBron James leh Doncic te hi Lakers tan an inkawp rem chho hle a, season chawhnu lamah team hlauhawm leh rinkai an nih chhoh theih chhan pawh an ni, an hlauhawm zel dawn ni pawhin a lang.

NBA regular season kal laiah Lakers hi vawi 40 chak tawhin Western Conference table-ah pahnihna an ni mek a, ṭum 21 an tlawm tawh thung; an chunga awm Oklahoma City Thunder erawh vawi 51 tehmeuh an chak tawh a ni.