Raducanu a chak lo nghal

Emma Raducanu tan kum ṭha a ni thei rih lo - beiseina sang tak nen Indian Wells khel mah se, a match hmasa berah Moyuka Uchijima hneh loin a zinkawng a tawp nghal.

Nimin zing khan Court-ah Raducanu hi a inlan a, world number 55 hian theihtawp chhuah mah se Japanese nula lakah hian 6-3, 6-2 in a chak lo zawkah a ṭang.

Kum 22 mi Raducanu chuan, "Tun hnaia ka result ṭha lo hian rilru chu a tibuai a, mahse ka beidawng tihna erawh a ni bik lo, engtik niah emaw chuan ṭha takin ka la khel chhuak ve leh ngei ang tih hi ka ring tlat a ni," tiin a sawi.

Inkhel dangah Sonay Kartal erawh a chak - Kartal hian kum 38 mi Varvara Lepchenko chu 7-6 (8-6), 6-2 a hnehin second round a inhlangkai, a match lehpekah chuan seeded 16-na Beatriz Haddad Maia a hmachhawn leh ang.