A la tawp lo - Mourinho

Fenerbahce coach Jose Mourinho chuan Rangers player leh a ṭantute chu an hneh loh avanga lawm lutuk lo turin a chah a, "Match hnihna a la awm a, a la tawp lo ania," tiin a vau lawk.

Ningani zan khan Fenerbahce hian Europa League round of 16 first leg-ah Rangers an mikhual a, 3-1 in an ngam lo. Scottish club tana Cyriel Dessers-a goal hmahruai khung chu Turkish club hian Alexander Djiku hmangin chhang mah se, Rangers hian Václav Cerný hmanga goal hnih khung lehin, 3-1 in an chak.

Mourinho chuan, "Kan khelh dan avangin chak kan phu lo a, kan phu ang tak hremna kan hmu. Mahse, min zawt a nih chuan inkhel hi a la zo lo - Rangers ho hnena ka sawi pawh, a la tawp rih lo a, lawm lutuk rih suh u, tih hi a ni.

"Match hnihna kan khelh zawhah an chak a, an lawm a nih chuan ka lawmpui ang. Mahse, tunah chuan a la zo lo," a ti a, March 13 Zirtawpni zana Scottish club an lenchilh hunah chak a tum hle.