Golf-ah Jaglan-a'n hming a chher zel

25th July, 2015

Ningani khan kum 10 leka upa Shubham Jaglan chuan Las Vegas-a golf inelna IJGA World Stars of Junior Golf-ah a champion.

Haryana thingtlang khuaa bawnghnute sem fapa Shubham hi kum 9-10 inkar inelnaah hian American pahnih Justin Dang leh Sihan Sandhu bakah Thailand naupang Pongsapak Laopakdee ten an tluk lo.

Jaglan hian Pathianni khan California a Junior World Golf Championships-ah a champion tawh bawk.

Shubham chuan, "Duththusam a thleng dik a, kumtluana ka thawhrimna rah a ni. Hlawhtlingna kawng hi a kaihtawi theih lo a, theihtawp ka chhuah zel ang," tiin a sawi.