Lucas Digne hremna an ti tlem

Everton defender Lucas Digne chu Southampton nen an inkhelh ṭuma red card-a hmuh avangin match thum hrem tur ni mah se hrem a nihna hi tih tlemsak a ni a, match khat chauh a khel thei lo ang. 

Kum 27 mi French defender hi Saints laka 2-0 a an tlawm ṭuma Kyle Walker-Peters laka a chet dan avangin red card hi pek a ni a, inkhelh zawhah Everton manager Carlo Ancelotti chuan red card chu fiamthu ang mai a nih thu a sawi. 

Italian coach-in a player hnawhchhuah a nihna hi an khinlet tur thu a sawi bawk a, a sawi lawk ang ngeiin an khing - he thubuai ngaihtuahtu 'independent commission' chuan Digne red card hnuk let lo mah se match thum hrem tura tih chu match khatah an tih tlemsak ta thung a ni. 

Everton hian Pathianni zan dar 7:30-a Newcastle United an lenchilh hunah Digne hi an chhawr thei dawn lo tihna a ni a, November 7 zana Manchester United an mikhual hunah erawh an chhawr thei thung ang. 

Premier League table-ah Everton hian hma an hruai mek a, match ruk an khelh tawhah vawi li chakin vawi khat an khingpui an inhnehtawkpui a, vawi khat an tlawm thung.