West Brom an hralh leh dawn lo

Premier League club West Brom chairman Jeremy Peace chuan an club hralh tuma thui tak an kalpui tawh chu ṭhulh a nih thu a sawi.

West Brom hotupa Peace chuan, "Kan club lei duh te nena kan inbiakna chu tunah hian a tawp ta. He club hi hralh tumin thui tak kalpui tawh a ni a, mahse kan club lei tum ten kan beisei ang leh kan duhdante min tih hlawhtlinsak theih loh avangin inbiakna hi kan titawp a ni," a ti.

Peace chuan club hmasawnna tur lamah rilru an pek leh tawh zawk thu sawiin nipui transfer-ah club-in hma a sawn pui ngei tur player lakluh an tum tur thu a sawi a, season thar Premier League-a an chet ṭhat theihna turin an manager Tony Pulis chu theihtawp chhuaha an ṭanpui tur thu a sawi a ni.