Messi hi a ṭha tawlh tawlh - Carrasco

Barcelona player hlui Lobo Carrasco chuan Lionel Messi chuan hmasawn zelin a ṭhat tawlh tawlh thu a sawi.

Kum 28-a upa Messi hian kum 2009 khan Pep Guardiola enkawlna hnuaiah Barca chu treble champion a lo nih pui tawh a, season hmasa khan Luis Enrique enkawlna hnuaiah treble champion an ni leh bawk.

Barca winger hlui kum 56-a upa Carrasco chuan, "Ka ngaihdan chuan Messi hi khawvela player ṭha ber a ni. Kum 2009 khan ropui takin a lo khel tawh a, mahse season hmasaa a khel nen kha chuan khaikhin ila chuan kum 2009-ah kha chuan ala ṭha famkim lo deuh. Tunah chuan sawiselna tur awm lo khawp hial niin ka hria," tiin Messi a dah sang hle.

Carrasco hian Barcelona tan match 300 chuang khelin champion nomawi 10 zet a chawi a, chung zingah chuan 1985-a La Liga champion pawh a tel. An ram Spain tan pawh kum 1984 European Championship final khelin final-ah a thleng tu Michel Platini te ram France lakah an vanduai thung.