Crystal Palace keeper thar McCarthy

Queen Park Rangers goalkeeper Alex McCarthy chuan kum li chhung cham turin Crystal Palace a zawm.

Kum 25-a upa keeper hian QPR tan match li chiah first team-ah a khel a, tun nipui transfer-a Crystal Palace player lakluh pathumna a ni.

England Under-21 player hlui chuan Crystal Palace a zawm thei chu a lawm thu sawiin Premier League-a a kir leh tur chu a phur takzet thu a sawi.