Watford Under-21 coach thar Kewell

Season thar aṭanga Premier League khel tur Watford chuan Under-21 coach atan Liverpool leh Leeds United forward hlui Harry Kewell an ruat.

Kum 36-a upa Kewell hian nikum khan Australian League club Melbourne Heart aṭangin football a chawlhsan a, an ramah hian football academy a din zui nghe nghe.

Watford sporting director Luke Dowling chuan, "Kewell hian kum naupang zawk leh ṭhalai zawkte hrual lamah tawnhriat a ngah tawh hle a, kan ṭangkaipui ngei ka ring a ni," a ti.

Galatasaray tan pawha lo khel tawh Kewell hian a vanglaiin Australia tan match 56 a khel hman a ni.