Carlos tan ISL a hautak ang em?

Tun thla tir khan Indian Super League club Delhi Dynamos chuan Brazilian Roberto Carlos chu an marquee player-cum-manager ni turin an la lut a, kum 42-a upa defender tan hian ISL hi a hautak lutuk ang em tih chu zawhna lian tak a ni mek.

ISL hi ni 70 chhungin match 50 khelh zawh tur a ni dawn a, chum 40 chuang tawh Carlos tan chuan hei hi thil awlsam tak a niin a rinawm lo. Delhi hian filed chhung mai bakah an Jersey hralh hnem nan leh ticket an hralh tam theih nan Carlos hi an la lut a ni.

Delhi Dynamos hian Real Madrid player hlui hi vaibelchhe 3.5 hlawh turin an la lut a, Chelsea player hlui kum 35-a upa Florent Malouda lakluh an tum mek bawk.

French international hlui Malouda hian May thla khan Ligue 1 club Metz tan a game hnuhnung ber a khel tawh a, tunah hian Delhi foreign player palina ni thei dinhmunah a ding mek. Delhi Dynamos hian an foreign player neihsa Hans Mulder leh Gustavo dos Santos bakah Corlos an nei tawh.

Carlos hian kum 1996-2006 inkar khan an ram Brazil tan match 125 khelin goal 11 a khung a, 2002 FIFA World Cup a chawi nge nghe.