Catalan flag vangin Barcelona an hrem

UEFA chuan Cham­pions League final Barcelona leh Juventus-in an khelh ṭuma Barca fan ṭhenkhatin Catalan flag an lo vai avangin Spanish club chu €30,000 chawi turin a hrem.

Spain ram aṭanga indan duh Catalan mipuite hi an thlawp thu Barcelona chuan an lo puang tawh a, league match bikah chuan Catalan flag hi hmuh tur a awm fo. Mahse, UEFA lam erawhin Champions League-a political lam thil tarlan a ni hi an duh lo a, Barca-in hrem an tawh phah ta a ni.

UEFA chuan an dan dinglaia football nena inkaihhnawihna nei lo inkhelhna neih a nih laia tihlan phal a nih loh thu tlawhchhanin Barcelona hi an hrem a ni. Barca hian June 6-a Champions League final-ah khan 3-1 in Juventus an hneh a ni.

Barcelona chuan UEFA-in an hremna hi khinlet an tum thu an sawi thung.