Kum hnih atan Coleman an hrem

Mipa 100m intlansiaka world champion nilai Christian Coleman chu kum hnih chhung atan hrem a ni, hrem a nih chhan hi damdawi hman phal loh chungchangah endikna vawi thum ngawt a hmachhawn loh vang a ni.

American tlangval hi kumin May 14 aṭang khan hrem ṭan a ni a, nakkum nipui laia neih tur Tokyo Olympic-ah pawh a inlan thei dawn lo tih a ni a, a aiawha thu puangtu Emanuel Hudson chuan infiamna lama thubuai ngaihtuahtu sang ber Court of Arbitration for Sport hnenah an zualko tur thu a sawi.

Kum 24 mi Coleman hian 2019 khan Doha a neih World Championship-ah khan gold medal a la a, kuminah Olympic leh inelna lian neih a nih loh avangin a dinhmun hi tumahin an khum rih lo.

100m bakah 4x100m relay champion lai hian khin let nan ni 30 chhung hun a nei dawn. Infiammite hi damdawi hman phal loh aṭangin an filhlim em tih hi a khat tawka endik an ni ṭhin a, thla 12 chhunga endikna an hmachhawn duh lo a nih chuan kum hnih thleng hrem theihna dan hi a awm a ni.