Hyderabad-in Delhi an sawp

Indian Premier League-ah Thawhlehni zan khan Sunrisers Hyderabad-in Delhi Capitals run 88-in an sawp a, match hnih chauh khelh tur a awm tawh chungin playoff khel tur hriatthiam a la har hle.

Dubai International Stadium-ah Hyderabad-in an bat hmasa a, opener pahnih David Warner (66) leh Wriddhiman Saha (88) te an chet ṭhat avangin hna a awlsam a, Manish Pandey leh Kane Williamson ten thi loin run 44 leh 11 siam bawkin run 219/2 an vaw chhuak.

Delhi Capitals bat hun a thleng a, batsman aiiin bowler an langsar zawk. Delhi batsman zinga run siam tam ber Rishabh Pant-a'n run 36 chauh a siam a, Hyderabad bowler Rashid Khan an ngam lo. Rashid hian run sarih chauh pein wicket thum a la a, Delhi hian run 131/10 chauh an siam.

Zanin dar 7:30 hian Kolkata Knight Riders leh beisei tur nei tawh lo Chennai Super Kings te an inkhel dawn. Panganaa awm Kolkata-in palina Kings XI Punjab nen point 12 ve ve an hmu a, playoff khel pha turin Chennai an hneh hi a pawimawh hle.