Bertens chawl rei dawn

Hmeichhe tennis world number 9 Kiki Bertens chu a ke artui vei lam zai a ni a, hun rei tak a chawlh a ngaih dawn avangin nakkum January thlaa khelh tur Australian Open pawh a khel thei dawn lo tih a chiang.

Kum 28 mi Bertens hian an ram Netherlands aṭangin instagram kaltlangin a dinhmun hi a puang a, damdawi inah a la awm mek. Bertens chuan, "Ke artui zai chu enkawl mek a ni," tiin a sawi.

Season hmasa khan Bertens hian ranking lamah palina dinhmun lai a luah, mahse kuminah beisei anga a khelh ṭhat tawk loh avangin pakuanaah a tlahniam a, a inkhelh loh rei dawn avangin a sang zual 10 zingah a tel lo thuai dawn.

Dutch nula hian tennis a khelh hun chhungin WTA Tour titles 10 a la tawh a, Grand Slam-ah erawh a la champion lo. French Open leh Wimbledon final a khel tawh, kumin Roland Garros-ah khan last 16 paltlang zo loin a tla.