Palmer-a'n penalty a hlah

Chelsea chak mah se Cole Palmer chuan ngai a awh thei rih lo - England international midfielder hian Leicester City lakah goal khung theihna remchang ṭha nei mah se, a vawi khat nan Premier Legue bikah penalty a hlah.

Kum 22 mi Palmer hian tun hnaiah goal khung a harsat, season hmasa lama league goal 26 leh assist ṭum 13 a neihte nen chuan a boruak a inthlau hle a, a penalty pet chu goalkeeper Mads Hermansen chuan a lo dansak a ni.

Tun hmain Palmer hian EPL-ah penalty vawi 12 petin a khung vek a, penalty khung ṭhat lama record chelhtu Manchester City midfielder hlui Yaya Toure pawh a khum hial, mahse a chhunzawm thei ta bik lo.

Palmer-a'n a hun ṭha hlah mah se Blues tan Marc Cucurella chuan goal awmchhun a khung, Spanish defender hian minute 60-naah box pawn aṭangin a lirin a pet lut a, an mikhual Foxes hi 1-0 in an hneh.