Mbappe hoin a chungah Real Madrid

Kylian Mbappe hoin Real Madrid chuan La Liga nomawi an beisei zel - Pathianni zan khan Spanish champion hian Rayo Vallecano chu 2-1 in an hneh a, league hmahruaitu Barcelona chu an nihrual.

Santiago Bernabuu-a inkhelah hian Mbappe bakah Vinicius Junior ten goal an khung, mikhual team lam goal neih chhun hi chawlhlawk hma thoa Pedro Diaz-a khung a ni thung.

Real Madrid tan an player ṭha pahnihten goal an khung avangin chanchin lawmawm a ni, midfielder Jude Bellingham chuan hremna hmang zoin a inkhel thei leh ta bawk, lawmna tur bawk a ni ang.

Carlo Ancelotti naute hian point 57 hmutu Barcelona an nih rual a, mah se Catalan club hian match khatin an khel tlem thung - an team doctor Carles Minarro Garcia a thih avangin Osasuna nen an inkhelh tur chu a hun sawnsak an ni.

Real Madrid manager Ancelotti chuan, "Kan tum ber chu hnehna chan a ni a, kan tihlawhtling. Goal kan chhuah avangin duhthusam vek chu a ni lo, mahse, match zawng zawnga minute 90 chhung duhthusam a khelh chu a harsa ve bawk," a ti.

Inkhel dangah Atletico Madrid an chak lo - Diego Simeone naute hian La Liga hmahruaitu nih theihna remchang nei mah se Getafe lakah 2-1 in an tlawm a, 1-1 a an inhnehtawk laiin Angel Correa hnawhchhuah niin, hun tawp dawnah Mauro Arambarri chuan Getafe chakna goal a khung.