Ka inpeih hman ang - Kane

Tottenham striker Harry Kane chuan August 8 a ṭan tur Premier League chu ṭha taka bul ṭan theih a inrin thu a sawi.

Season hmasa Pre­mier League-a goal 21 khungtu Kane hi season a hman ṭhat em avangin England tana khel tura koh a ni tawh bakah ram tan goal a khung tawh bawk. Spurs manager Mauricio Pochettino en­kawlna hnuaiah Kane hi parvulin a team te hi table-ah pangana a nih pui.

Season an hmang zo chauh tihin Kane hian an ram Under-21 squad a zawm nghal a, mahse Under-21 European Championships-ah hian goal a khung lo; kar hmasa khan Spurs training a zawm ve leh chauh a ni.

Kum 21-a upa Eng­lish striker chuan, "Inkhel tur chuan taksa bakah rilru a hrisel a ngai, tunah hian ka hrisel tawk a ni. Training ka zawm tlai bik avangin season bul ka ṭan theih lo mai an hlau a, mahse a ni lo. Tunah hian inbuatsaihna hun kan la neih tam avangin kan match hmasa ber aṭangin ka khel thei ang," tiin a sawi.

Spurs hian August 8 khian Premier League-a an match hmasa ber chu Old Trafford-ah Manchester United nen an khel dawn a ni.