Spurs ka chhuahsan kha ka tisual - Van der Vaart

La Liga kaithar Real Betis player thar Rafael van der Vaart chuan Lon­don club Tottenham Hotspurs a chhuahsan chu a career-a ka tihsual lian ber a ni thu a sawi chhuak.

Kum 32-a upa Dutch midfielder chuan, "Sea­son zawh rualin ka contract a zo a, club ka nei lo. Spurs khan min rawn dawr se chuan ka let leh ang. Amaherawhchu min rawn be lo a, Real Betis-in min biak si avangin Spanish club hi ka zawm ta a ni," tiin Hamburg aṭanga Betis a zawm dan a sawi.

Van der Vaart chuan sawi zelin, "Spurs kha nuam ka ti a, Andre Villas-Boas a rawn kal khan a number one a nih loh thu min hrilh. Kha vang khan London club kha chhuahsan a, tun hnua ka ngaihtuahin thutlukna atthlak tak a ni. Spurs-ah khan kum hnih chhung nuam takin ka hmang a, ka chhuahsan kha ka career-a ka tihsual lian ber a ni," tiin a sawi.

Dutch midfielder Van der Vaart chuan Spurs club tan match 77 khelin goal 28 a khung.