West Ham-ah Argentine midfielder Lanzini

Argentine midfielder Manuel Lanzini chuan United Arab Emirates club Al Jazira aṭangin West Ham a zawm. Kum 22-a upa midfielder hian loan-in London club hi a zawm phawt a, a khelh ṭhat dan a zirin a nghetin an la lut thei ang.

River Plate leh Fluminense tan pawha lo khel tawh Lanzini chuan, "West Ham ka zawm thei hi ka lawm em em a, ka tan chuan ka club zawm tawh zinga ṭha ber an ni. Tun hi ka career tana hun pawimawh ber lai a ni a, ka theihna zawng zawng he club tan hian ka hlan ang. Attacking khel ṭhin player ka nih avangin game thlak danglam thei turin theihna ka nei a ni," tiin a inringtawk hle.

West Ham hian 'The Jewel' tih hminglem an phuahsak Lanzini hma hian Dimitri Payet, Angelo Ogbonna, Pedro Obiang, Carl Jenkinson, Stephen Hendrie leh Darren Randolph te an la lut tawh a ni.