Gokulam-in champion an la beisei

I League-ah Gokulam Kerala chuan Jaipui-ah mualneitu Rajasthan 3-0 in an hneh. Gokulam tan hian Thabiso Brown-a'n goal hnih a khung bakah Athul Unnikrishnan-a'n goal khat a khung. Kerala club hian match 18 aṭangin point 28 an hmu a, hmahruaitu Churchill Brothers nen an inkarah point ruk a awm.

I League-ah hian team 12 an awm a, match 22 an khelh zawha point hmu sang ber an champion dawn. Champion team hian team tharah Indian Super League an khel thei dawn a, table hnuai lam pahniha awmte erawh an relegate thung ang. Mizo club Aizawl FC-in point 16 an hmu tawh a, relegation zone-ah an awm mek.