Wigan-ah Reece James

Manchester United de­fender Reece James chuan League One club Wigan chu kum thum chhung atan a zawm. An inremna zat erawh an puangzar lo.

Season hmasa khan kum 21-a upa defender hi Rotherham leh Hudders­field-ah te loan-in a lo kal tawh a, a kum ala naupan bakah senior player an tam avangin United-ah khelhna hmun a chang lo. Season hmasaa United-in League Cup-a MK Dons an hneh loh ṭuma a inlan bak chu a club tan hian a inlan lo.

Wigan hian tun transfer chhungin player an la lut hnem tawh hle a; Champion­ship aṭanga tal chhuah ngei tumin James hi an player lakluh 11-na chiah a ni.