Zuitu nei lo Nadal leh Federer

Khawvel mipa tennis player piang tawh zinga ropui ber pahnih a mitam takin an ngaih Roger Federer leh Rafael Nadal te hian an ram Spain leh Switzerland aṭangin an thlachhawngdawltu an nei lo hle.

Switzerland hian ATP singles ranking top ten-ah kum 33-a upa Federer leh kum 30-a upa tan Wawrinka an nei a, a bak midang an awm lo. Anni pahnih bak hi chu top 200-ah midang lang pawh an awm lo a ni.

Kum 12 chhung zet chu Federer chauh hi Swiss-in top player an neih a lo ni tawh.

Tun dinhmunah Swiss-in top 300-a player dang an neih chu kum 23-a upa Henri Laaksonen (289th) leh kum 28-a upa Yann Marti (295th) te chauh an nih avangin Federer leh Wawrinka hnungzuitu tur an awm lo hle.

Federer te ram ang tho hian Spain pawn Nadal lo chu chhuan tur an nei bik lo. World ranking top 50-ah kum 29-a upa Nadal hi an ram player zingah a naupang ber niin top 100-ah chuan kum 23-a upa Pablo Carreno Busta a lang ve bawk.

Hetiang a nih avang hian Grand Slam vawi 17 champion thei Federer leh vawi 14 champion thei Nadal hian an hnungzui tu tur an nei mai dawnin a lang lo.