A vawi hnih nan Celtic chak chiang

Nilaini khan Celtic chuan Stjarnan chu UEFA Champions League second qualifying round second leg-ah 4-1 in an hneh. An inkhel hmasa nen belhkhawmin Celtic hi 6-1 in an chak.

Glasgow-ah si hnih faia an chak tawh avangin Celtic hi chak zawk tura rin ni mah se minute sarihna lekah Olafur Karl Finsen-a goal hmangin Stjarnan-in hma an hruai. Amaherawhchu, he goal hi Nir Bitton, Charlie Mulgrew, Leigh Griffiths leh Stefan Johansen te goal khat ṭheuh hmangin Celtic hian an chhang let a ni.

Season thar Champions League play­off khel turin Celtic hian third qualifying an pal­tlang ala ngai a, an match lehpekah chuan Azer­baijan club Qarabag an hmachhawn ang.

Premier League club Manchester United, Valencia, Sporting CP, Lazio leh Bayer Lever­kusen te paw'n playoff hi an khel ang.