100%-in Ramos hi a chhuak dawn lo tih ka chiang - Benitez

Real Madrid mana­ger Rafael Benitez chuan Man­chester United lak tum Sergio Ramos-a'n Spanish club a chhuahsan loh tur thu a sawi.

Thla khat liamta khan United-in pound maktaduai 28.6-a Ramos lak an tumna chu Real-in an hnawl a, Spanish club hian Red Devils goalkeeper David De Gea lak­chhuah an duh ve bawk.

Hlawh chung­changa lungawi lo Ramos chung­chang sawiin Benitez chuan, "Sergio hi kan bulah a awm zel dawn, 100%-in ka chiang a ni. Louis van Gaal hi zah viau mah ila, kei leh club-in Sergio hi kan bula awm zel turin kan duh a, kan tan chuan player pawimawh a ni," tiin a sawi.

Ramos hian Spain tan vawi 128 a khel tawh a, kum 2005 khan Sevilla aṭangin Real hi zawmin a club khelhna mekna tan hian vawi 445 a khel tawh. Ram leh club tana champion theihna zawng zawng­ah chuan kum 29-a upa defender hi a cham­pion vek tawh.

Liverpool manager hlui Beni­tez hian Spanish defender hi Real Madrid captain-ah a ruat a, Inrinni khian friendly match-ah Manchester City an hmachhawn ang.

United-in central defender an la lakluh theih loh avangin West Brom leh Everton nena sawi zawm Jonny Evans chhuah an la remti lo.