Olympic medal dawn châk Hughes

British sprinter Zharnel Hug­hes chuan nakkuma Rio de Janeiro-a neih tur Olympic Games-ah medal dawm a châk thu leh a duhthusam a nih thu a sawi.

Anguilla a piang, British khua leh tui nihna nei Hughes hi 100m leh 200m intlansiak a tlan ṭhin a ni a, kumina neih tawh British Championships leh Diamond League-ah pawh a inlan. Nakkuma an ram aiawh tur Olympic team-ah pawh telh a ni chiang tawh.

Kum 20-a upa Hughes chuan, "Inelna hrang hrangah ka lo tel ve nual tawh a, mahse Olympic anga ropuiah chuan ka la tel ngai lo. Chuvangin kan ram aiawh tura thlan ka ni ve hi ka lawm em em a, ka duhthusamah chuan medal lak ngei a ni. Chumi tur chuan tunah hian rim takin ka inbuatsaih mek," tiin a sawi.

Sawi chhunzawmin Hughes chuan, "Kum 2012 London Olympic kha TV aṭangin ka lo en ve a, a ropui ka ti a, intlansiak ve ka châk hle. Tunah chuan an zinga ka tel ve tawh tur hi a mak ka tiin ka lawm takzet a ni," a ti.

Tunah hian Hughes hian Jamaica-ah Usain Bolt, Yohan Blake leh Warren Weir te bulah training a nei mek a ni.