Cambiasso-a'n Leicester a cham a tum lo

Argentina midfielder Esteban Cambiasso chuan thla hmasa lawka a contract hman zawhna Lei­cester City-ah cham chhunzawm a tum loh thu a sawi.

Kum 34-a upa midfiel­der hian nikum nipui lai khan Leicester hi a zawm a, kum khat cham turin contract a ziak. Thla hmasa khan a contract neihlai hi a hmang zo a, Leicester boss thar Clau­dio Ranieri chuan Foxes (Leicester sawina) tana khel chhunzawm turin a sawm.

Mahse, Inter Milan leh Real Madrid tan pawha lo khel tawh midfielder hian Italian club lama a lo hrawn tawh a pu hlui hi zawm a tum lo.

Cambiasso chuan, "He thutlukna siam tur hian darkar 24 chiah hun ka hmang. A chhan chu ka club hlui hian keimah min thlaktu tur ṭha zawnna hi hun tam zawk nei se ka duh vang a ni. Leicester-a kum khat ka cham chhungin ka kum hman duhawm ber pawl ka hmang a ni," tiin Premier League club chu a thlah.

Argentina interna­tional hlui hian season hman zawh takah khan Leicester tan inelna hrang hrangah match 33 khelin goal nga a khung a, Leicester midfield khaidingtu ber niin Foxes ṭantute chuan an club Player of the Year-ah an thlang hial a ni.