Wenger-a'n Samper a ngaihven

Arsenal manager Arsene Wenger chuan a squad ti chak turin Barcelona midfielder Sergi Samper a ngaihven hle.

Kum 20-a upa Samper hian kum 2017 thleng cham turin Nou Camp-ah contract a nei mek a, mahse a contract-a a inziah dan chuan pound maktaduai 8.5 a lei duh an awm a nih a, aman a duh bawk chuan a chhuak thei ang.

French manager Wenger hian kum 2011 khan Samper lakluh a lo tum tawh a, mahse a hlawhtling lo. Sergio Busquets a awm avanga khelhna hmun chang lo Samper hi Francis Coquelin nena inel turin a duh a ni.

Barca B team defensive midfielder hian chhuah a duh ngeiin a lang a, a chhan chu Barca B team hi second division aṭangin third division-ah an tla hniam a ni. Ball thiam leh tharum ngah a nih avangin Spanish midfielder hi Wenger chuan Premier League-ah a hmantlak a ring.