Hmasawn tum Newcastle United

Newcastle United coach Steve McClaren chuan tun hnaia an player lakluh pahnih Georginio Wijnaldum leh Aleksandar Mitrovic te chuan Newcastle United-in hmasawn an tum zia a tilang niin a sawi.

Kum 24-a upa mid­fielder Wijnaldum hian Dutch club ṭha PSV aṭangin pound maktaduai 14.5-in Magpies hi a zawm a, Anderlecht aṭangin pound maktaduai 13 man striker Mitrovic chuan St. James Park hi a pan bawk.

Kum 20-a upa Moi­trovic hian Thawhlehni khan Magpies hi a zawm a, Belgian club ṭha Anderlecht-a season hnih a cham chhungin goal 36 a khung thei a ni.

England boss hlui McClaren chuan a player thar pahnih chu fakin, "Kan nghah peih a ngai a, kan player lakluh hmasak pahnih aṭang hian hmasawn kan tum zia a lang a ni. An kum a la naupanga, chuti chung chuan tawnhriat an ngah tawh em em bawk," a ti.

Newcastle hian player pahnih chiah tun nipui transfer-ah an la la lut rih chungin an player lak thar te hi an club chanchina player manto ber pathumna leh palina an ni nghal a ni.