Chelsea striker Bamford-a'n Crystal Palace zawm
Premier League champion Chelsea striker Patrick Bamford chuan season khat chhung atan loan-in Crystal Palace a zawm.
Kum 21-a upa Bamford hian season hmasa khan loan thoin Championship club Middlesbrough-ah a hun a hmang a, goal 19 lai khungin Championship Player of the Year-ah thlan a ni.
Crystal Palace an ṭang a, Bamford an lakluh hma hian Paris St-Germain aṭangin an club record fee-in pound maktaduai 10 man Yohan Cabaye an lo la lut tawh.
Bamford chuan Crystal Palace manager Alan Pardew vanga Selhurst Park pan a nih thu sawiin a hmachhawpte chuan a tih phur takzet thu a sawi.
English striker Bamford hian kum 2012 khan Nottingham Forest aṭangin Chelsea a zawm a, MK Dons leh Derby County-ah te loan-in a hun a lo hmang tawh bawk a ni.
Hetihlai hian Chelsea chuan an defender Kenneth Omeruo chu Turkish Super Lig club Kasimpasa-ah loan-in a kal tir bawk.
Kum 21-a upa Nigeria international hian January 2012 khan Chelsea hi a zawm a, season hmasa kha loan-in Champion-ship club Middlesbrough-ah a hun hmangin vawi 22 lai a inlan thei a ni.