Valencia-ah Aus-tralian keeper Ryan

Australian interna­tional goalkeeper Matthew Ryan chuan kum ruk chhung cham turin Belgian club lar Club Brugge aṭangin Valencia a zawm.

Kum 23-a upa keeper hian 2013 khan Brugge hi a zawm a, season hnih Belgian Super League-a a khelh chhungin keeper ṭha berah thlan ve ve a ni.

Ryan hi Valencia first choice keeper ni turin Diego Alves leh Yoel te nen hmun an inchuh dawn a ni.

Australian keeper chuan Valencia a zawm thei chu a lawm zia sawiin, "Football khaw­velah he club hian hmun pawimawh tak a chang tih ka hria a, ka thil tawn hi ka career-a ka hun tawn pawimawh ber pawl a ni. Valencia hi player ṭha tak tak awmna a ni a, tunah chuan Champions League khelh hi kan tum hmasak ber tur a ni," tiin a phur hle.

Valencia president Layhoon Chan chuan Champions League quality player an la lut thei chu lawmawm a tih thu a sawi bawk. Valencia hi season hman zawh takah khan La Liga-ah palina an ni a, Champions League play-off an khel dawn a ni.