Filipe Luis-a'n Chelsea a chhuahsan dawn

Chelsea manager Jose Mourinho chuan an left-back Filipe Luis-a'n Stamford Bridge a chhuah­san hnaih thu a sawi.

Kum 29-a upa Brazil international Luis hian nikum nipui lai khan pound maktaduai 15.8-in Chelsea a zawm a, Blues tan vawi 26 inlanin a club hlui Atletico Madrid lamah kir leh tur anga sawi a ni.

Mourinho chuan, "Tun dinhmuna kan mamawh ber chu left-back a ni. A chhan chu Filipe Luis hi vawiinah a nih loh pawn naktuka hralh thei mai tur dinhmunah kan ding mek a ni,"a ti.

Kar hmasa khan Atletico Madrid chuan an player hlui Filipe Luis hi laklet tumin Chelsea nen an indawr mek thu an lo sawi tawh a ni. Chelsea hi Augsburg left-back Abdul Baba Rahman nen sawizawm mek an ni thung.

Portuguese manager chuan player an hralh chhuah chauhin player thar an lakluh tur thu a sawi a, mahni thu duh ve tak manager chuan, "Tun dinhmunah chuan player lakluh tumna kan nei rih lo. Mahse, kan inrin reng erawh a pawimawhin ka hria. Club ṭhenkhatin kan player an duh a, kan player ten chhuah an lo duh bawk si chuan anmahni thlaktu tur kan zawn vat a ngai ṭhin a ni," a ti.