Eden Gardens-in World T20 2016 final thleng dawn
Thawhlehni khan Board of Control for Cricket in India chuan ICC World Twenty20 2016 khelhna tur khawpui pariat an puang a, India rama cricket khelhna stadium upa ber Eden Gardens-in final a thleng ang.
World T20 2016 khelhna tur khawpui pariat chu Bengaluru, Chennai, Dharamshala, Mohali, Mumbai, Nagpur, New Delhi leh Kolkata te an ni.
Anurag Thakur, BCCI honorary secretary chuan, "Cricket inelna pawimawh tak kan thleng thei hi kan lawm hle a ni. World T20 khelhna tur hmun hian inelna pawimawh tak tak an thleng tawh a, khelhna tur puanchhuah a nih takah chuan inbuatsaihna chak taka kalpui theih a ni ang," tiin a sawi.